壹食就醉

營業中

休息中

最近公司忙到爆炸，連朋友都好少見面，今日終於可以做晒啲嘢，嗱嗱聲約三五知己嚟打邊爐，鬆一鬆飲番杯！ 朋友介紹嚟樓上鋪冇咁多人，唔使咁嘈可以傾吓計，坐得又舒服！呢度嘅湯底，真係大有來頭睇吓啲蜆多到！超級鮮味而且啲蜆食極都食唔完！😋👍🏻👍🏻👍🏻打邊爐我就最鍾意食魚㗎啦，我哋叫咗兩款，鱔片，脆肉鯇，全部都好新鮮，個湯底用咁多海鮮熬真係超正！呢個黑松露墨魚滑又係超正！好香黑松露味！呢度都幾特別有得食紫淮山，紫淮山對身體好好，紫淮山又名為「紫人參」，根據《本草綱目》記載，「紫淮山」係地中寶，有好高藥用價值。而且紫淮山含大量花青素，有抗氧化同美容養顏作用！