辣辣屋

營業中

休息中

今日朋友話好想烤魚，所以今次黎左位於粉嶺聯和墟嘅辣辣屋啦！一向都知道聯和墟係多野食揀，但有間主打烤魚嘅又好似真係冇，依到除左烤魚外，仲有串燒同小食😋依到烤魚有六款味道揀，包括：麻辣、泡椒、冬蔭功、蒜頭雜菌、酸辣同埋經典嘅酸菜魚！今次叫左個泡椒味嘅烤魚、涼拌茄子、炸魷魚鬚、勁蒜娃娃菜同埋水果茶。1.烤魚係用上江團魚製作，食落冇泥味，而且肉質鮮嫰，經泡辣湯底煲過後，魚肉吸收左泡辣味，食落更加惹味，送酒一流😋😋2.涼拌茄子經典口味，茄子屬於受物，所以涼拌下，可以吸左好多醬汁，辣油同醋比例控制得好，食落酸辣味十分夾，味道一流😋3.炸魷魚鬚炸粉唔會太厚，食落魷魚爽口彈牙，調味亦都岩岩好，真係好惹味好食😋4.水果茶一壺1300ml只係40幾蚊，超抵！而且仲要足料，除左茶底外，亦都加入左橙汁同百香果汁，另外都放有生果，飲落仲好飲過出面d手搖飲品店，正野！😋5.勁蒜娃娃菜蒜頭足料，而且仲要拎過去焗，食落蒜味十足，非常之正，好岩好蒜嘅人士整體黎講，餐廳食物質素高，而且十分低食，冬天同三五知己食返個烤魚就非常之正啦