十二味麻辣三兄弟 (已結業)

我唔係好食得辣，習慣上只係食麵時候加啲辣，但兄弟姊妹要來，只好捨命陪君子。有自己煲的竹庶茅根水，只一扎扎賣，$68。味道好甜，可能配辣啱用，可以減辣。我負責選擇小食，有手指公推介的囗水毛豆的確幾好，新鮮翠綠，唔係好辣，可能係隔咗層皮，食裡面的豆，無被辣椒侵略；亦揀咗手拍青瓜，好新鮮，水份豐富，又爽口。入店就係為咗呢道招牌麻辣香鍋，我們一致同意揀少辣，免得大熱天時汗流受罪，其實亦放心，呢道冷氣都夠。鍋內預先放咗好多紅辣椒，見到都有啲驚自己食唔到，好彩有白飯，既可減辣亦飽肚。我哋自選材料，蝦、帶子丶肉丶菜丶粉等等，最欣賞蝦，大大隻味道又濃郁惹味，肥腸脂香軟嫩，邪惡之首，年糕就乾硬咗的。整體個鍋唔算多油，有香味，唔怪得滿坐，外省年青人居多。