川味雞烤魚大王 (隆亨商場) (已結業)

川味雞烤魚大王 位於大圍田心街1號隆亨商場地下隆亨街市H86號舖，由C出口步行10分鐘左右就到達，都好方便。餐廳店舖不算大，但以卡位為主，坐得舒適。餐廳主打烤魚、火鍋、雞煲。烤魚有3款魚可以選擇，湯底有辣有唔辣我地簡了原條魽魚酸菜烤魚，賣相好吸引，好大條，原條魽魚上有大量酸菜、娃娃菜、豆腐、芫茜。原條魽魚煎到好香口，好入味，啖啖肉，魚肉嫩滑，沒有細骨，雖然簡左唔辣的酸菜味，但一樣勁惹味。配料我地點左鮮蝦雲吞、特級雪花肥牛、牛根丸，鮮蝦雲吞皮薄餡靚，蝦肉爽口彈牙，另外牛根丸好彈牙，又多肉汁，我地兩個人食都食到勁飽。