川粵 (流尚坊)

營業中

休息中

尖沙咀食肆林立, 百花齊放, 川粵是一間川菜館, 位於廣東道流尚坊, 裝修簡潔舒適。川菜以善用麻辣調味著稱, 先來幾個麻辣小食品嚐, 當中以麻辣魚皮和川式豬手最啱口味。麻辣魚皮魚皮非常爽脆又滑溜, 膠質很豐富, 麻辣得嚟又有餘勁, 一度很惹味嘅小食。川式豬手豬手炆得很腍滑, 軟熟易入口, 味道相當吸引, 辣度也容易接受。尖椒皮蛋皮蛋是揀手嘅貨色, 綿滑又甘香, 鋪上惹味嘅豉味尖椒, 令口感更加豐富。涼拌木耳厚肉又爽脆, 辣辣地相當惹味, 涼拌小食佳品。酸菜肥牛首先個酸菜湯底已經很惹味, 又酸又有麻辣感, 肥牛片都幾嫩滑新鮮, 家常美味嘅酸菜, 真係特別醒胃。加上有晶瑩剔透嘅水晶薯粉, 爽滑又彈牙, 又有飽肚滿足感。