太二老壇子酸菜魚

營業中

休息中

太二酸菜魚內地知名連鎖酸菜魚終於都係香港開鋪頭，仲要一次過開4間咁多，今次就去咗九龍塘店試下。一入門口，店員好似日式餐廳咁樣歡迎你入嚟，佢哋會用普通話講「吃魚拯救世界」，第一次聽唔係好聽得清講咩，聽咗幾次先聽到🙈🙈我哋叫咗酸菜魚再加粉絲，兩個人食啱啱好，呢度嘅酸菜魚就無得揀辣度同酸度。上菜時大大盤，上面鋪滿辣椒，雖然辣度指定咗，但食開小辣嘅我都接受到，唔會辣到飛起😆魚肉用上鱸魚，食落夠滑又無骨，配埋酸菜同湯一齊食，啖啖肉非常惹味。湯底飲落冇齊麻酸辣，加埋粉絲索埋啲湯汁，食落更正啊！佢哋自家製嘅酸菜用咗30日時間醃製，食落爽脆，酸度適中但就偏鹹，雖然餐廳話酸菜比魚更好食，但我覺得魚好食啲🙈唔叫特式飲品嘅話，可以出去沖洛神花茶飲，加片陳皮就更加香啦。