譚仔三哥米線

營業中

休息中

三哥又有新品啦！推出全新酸菜鯛魚米線，湯底由客家酸菜配搭小米泡椒熬煮而成，酸酸辣辣，加埋香辣蘿蔔乾更能提升辛香，風味十足。辣度由5小辣起，可以自選辣度，辣得過癮夠醒神。三哥酸菜鯛魚米線潮濕悶熱嘅天氣，胃口麻麻，食番個酸辣米線就最啱！米線夠入味，酸香微辣，愈食愈過癮，令人一啖接住一啖食唔停。鯛魚片彈牙嫩滑，另外加咗貢丸同炸醬，兩樣食落都甜甜哋，可以中和辣道，惹味開胃。香烤豬柳有原味、3小辣同10小辣揀，有辣有唔辣，任君選擇。豬柳加咗孜然粉、辣椒粉同混合多種中、西、日式香料同調味料秘製而成。外層焦香，啖啖肉，入口散發住濃郁香草味，同香脆辣椒花生一齊食，味道更加惹味。椰香奶蓋咖啡(+$13)🥥☕️椰香奶蓋口感綿滑，帶有陣陣椰香，味道清爽不甜膩。