龍德樓 (已結業)

🔺龍德樓話就話係何文田，但係其實去開旺角既話行過去都只係10分中左右，今次就行遠少少搵食🤗🤗🔻秘製雞煲（$138/半隻）基乎每枱都叫既秘製雞煲，2人食半隻份量都好夠，入面除阻雞仲有豬皮，而個豬皮做得相當驚喜，加埋雞煲汁煙un 得黎有d 爽口，正😚😚主角雞件正常發揮唔鞋肉，微辣真係冇乜辣，下次可以再嗌辣d😂😂🔻西檸豬扒（$78)西檸野係小菜店真係愈黎愈少有，個汁係稀既，個味調得唔錯，唔會過酸/過甜，可惜豬扒較乾身柴肉，唔係既話就Perfect池。🔻川辣回鍋肉（$78)炒得好有鑊氣，上枱熱辣辣，椰菜好爽甜脆口，回鍋肉份量多，一d 都唔吝嗇。🔻是日燉湯（$48)-杏汁茶膽燉白肺-姬松茸燉雞湯飲落已經知d湯勁足料，完全飲到材料既甜味，e+真係好少飲到d 咁足料既燉湯😍總結：值得推介燉湯同埋雞煲😋😋前者足料，後者有鑊氣又惹味。環境方面雖然地方唔大，但位與位之間都唔會好迫，坐得舒服既。