路邊煱 (已結業)

雞煲試過好多間，但呢間令我有驚喜！小食有特色，食材用心準備。首先説説墨釀油炸鬼，第一次食咁樣嘅組合，墨魚肉釀係油炸鬼上面，再配酸辣醬，一口咬落去，食到彈牙嘅墨肉同脆卜卜嘅油炸鬼，酸酸甜甜，口感一流！到主角雞煲啦，雞肉非常嫩滑，吾會太辣，香料調配洽到好處。食雞煲當然吾止食雞咁齋啦，我地再點左響鈴同牛肉盤，響鈴令我好意外！(我吾肯定係咪自家製啦😂)，佢比出面食開嘅大舊，最正係裏面夾左塊大紫菜去炸，有埋紫菜一齊嘅響鈴真係好食好多😋另外個牛肉盤都冇令我地失望，有牛吾同嘅部位，有牛脊肉，牛柳粒，牛舌等等，每款牛肉都有吾同口感，肉味濃厚新鮮，不錯👍🏻值得推介👍🏻😋