極品煮意 鷄煲.烤魚.火煱 (已結業)

天氣咁凍最啱食雞煲，同朋友去葵芳行街， 行完街就嚟到依間餐廳食雞煲係兩小時任飲任食，百幾蚊一個人都幾抵七點左右已經差唔多坐滿晒客人，現場都幾熱鬧餐廳門口右手邊係自助區，有茶、調味料同白飯，客人可以自由去揀選自己嘅調味料呢個雪櫃擺滿左火鍋配料，款式都好多，有蔬菜、菇類、腸仔、丸類、自家製餃子，仲有蜆，任君選擇，客人可以自己攞除此之外，餐廳供應幾款熱盤小食，有涼拌青瓜、炸蝦片、炸薯餅、酸辣土豆絲、炒菜等等，個人最鍾意酸辣土豆絲同涼拌青瓜，酸酸辣辣好開胃我哋叫咗一個招牌重慶辣雞煲，份量都幾多，而且一上枱已經聞到陣陣嘅香味，店員先幫我地炒兩炒就食得啦。雞肉好入味，由於我哋叫咗小辣，所以唔會話好辣，鹹鹹香香幾惹， 而且雞肉一啲都唔鞋，都幾滑另外仲有點餐紙，可以點選唔同嘅肉類， 有安格斯肥牛、特級豬肉片、羊肉、手打鯪魚滑同魚片等等，款式都幾吸引我哋就叫咗碟安格斯肥牛，脂肪同肉嘅比例各佔一半，食落充滿油香， 牛味都幾出，唔錯。整體來講，食物款式種類多，味道唔錯，價錢仲好實惠，會再次幫襯。