一品雞煲火鍋

營業中

休息中

去開紅磡想食雞煲, 無乜選擇, 就試一試一品雞煲火鍋。等咗75分鐘。坐低即刻叫咗個麻辣雞煲半隻！麻辣雞煲半隻 - 好香, 雞肉惹味好食, 揀了中辣, 辣道剛好, 雞都叫做多肉, 紫洋蔥加辣汁同雞汁同吃令到紫洋蔥更為鮮味好吃。待應哥哥好有心機咁幫我地兜呀兜同話我地要煮幾耐。中辣又麻又辣好惹味。豬紅 - 淥完都唔散, 結實, 明顯靚貨。炸響鈴 - 有7件, 7件都係大大件, 無乜油憶味, 新鮮炸起好食。手切牛 - 好食, 但$150得12片,  唔係話唔好食嘅, 係唔抵食, 價性比不足。牛肉味係有但唔夠濃。鮮魷魚 - 唔係就鮮貨, 係劏咗有一段時間, 食落好粉, 無咗魷魚嘅彈牙, 唔好食。日本蠔 - 一般超市急凍貨, 無乜特別。西洋菜 - 叫做揀過吓, 都叫新鮮同洗得乾淨。凍檸茶 - 大大杯, 但要40蚊。整體嚟講食物係合格, 但啲價錢有啲貴, 待應哥哥都叫勤力反應快, 但就絶對唔係有禮。