米走雞 (昭德大廈) (已結業)

冬天最開心就係可以瘋狂打邊爐！今晚約咗人去米走雞，去食雞煲，食到個人暖粒粒～呢度係芝士雞煲出名，不過我哋已經試過幾次，所以今次就點咗火焰麻辣雞煲，味道都好惹味。我哋嗌咗細份，不過份量都好足夠兩個人食！我鍾意佢呢度啲雞菲切得好幾大件，咬落啖啖肉，好味😋之後就點火鍋配料，佢可以要一份或者半份，咁就可以試多幾款～ 今次都order咗好多款：特級雪花肥牛(小)芝心丸 (半份)貢丸 (半份)海膽丸 (半份)鮮炸響鈴 (半份)生菜 (半份)牛柏葉 (半份)雪花肥牛唔錯喎，性價比好高！鮮炸響鈴係必食推介，點落啲湯度，吸晒啲汁好好食～最後再食個公仔麵，飽晒！