小魚兒 (富麗花園) (已結業)

呢日黎到慧安園嘅呢間小魚兒，見到佢主打係烤魚，但都有雞煲，因為想食雞煲想左太耐，所以我地都係叫左雞煲我地叫左重慶雞煲bb辣，因為唔係話好食得辣，但雞煲唔辣又唔好食，bb辣就啱哂我地！雞煲到左之後店員都有教我地用中火煮幾分鐘攪下佢再食，一打開就聞到好多既辣味，我地叫左一隻雞，份量都真係夠4人食！雞唔會話好老，佢既醬調得好好味，麻味亦都夠，食落超惹味！食完雞煲之後我地都飽左一半，所以都啱算叫左好料火鍋料，我地叫左萵荀，黑豚肉片，鴨血，白鱔片，響鈴，佢既響鈴睇得出係自家製，唔係包裝個啲，浸落湯到幾秒就食，仲好脆口，真係好好食，吸滿哂雞煲既精華，但太邪惡，我都唔敢食咁多🫣下次黎要試下佢既烤魚！