火鍋英雄 (已結業)

天氣忽冷又落雨，又係火鍋出動嘅時候，呢間食過唔錯，當然預先訂位會好D啦睇下.........入坐率差唔多爆咁濟，成間店充滿"仙氣"........哈..哈....坐底就叫支洛神花茶 ($48/支)飲下，未食得火鍋前就可以食下呢英雄八盞，咸辣味樣樣有D!係多款湯底當中，選擇呢客青椒魚頭鍋 ($288)，湯面上舖滿花椒粒，滾起時香味四溢除左花椒外當然唔少得青椒啦，味道麻中帶微酸，幾醒胃!而個魚頭相當大個，肉多又嫩滑，當然唔能夠浪費啦!牛頸脊 ($198)，一份份量唔少喎，肉色相當靚仔，每片唔太薄，脂肪分佈平均烚十零秒就食得，肉味香濃，肉質腍滑，係我火鍋必然之選!招牌四寶丸，牛丸、墨魚丸、蝦丸、鯪魚球每款各有3粒，唔係話好大粒，但食落係較為彈牙有口感鮮黑毛肚 ($88)，唔經漂白，更能食出原味，以冰粒墊底，保持爽感!無需烚太耐，入口爽感，配麻味湯底都夾!雜菜籃 ($58)，有幾款蔬菜，菇類只得金菇菜，二人絶對夠食!四川紹粉 ($28)，見到有咁惹味湯底，就想食D麵食類，特別D就叫呢個烚至半透明就食得，入口滑溜，但咬落又煙韌喎，相當過癮!酥炸響鈴 ($48)，"索湯尤物"出場啦，浸湯後外軟內仲