蘇媽.蘇媽馬來西亞茶餐室

營業中

休息中

約朋友去食馬來西亞菜，蘇媽蘇媽開咗好多分店，地點仲好就腳。喺朗豪坊行出去真係好近。 我哋點完餐之後就有肉骨茶送上，濃郁嘅藥材味，加埋鮮甜既肉湯。三層肉酥香嘅三層肉，脂肪層油脂十分豐富，咬落香軟，層次分明，肉骨茶嘅湯味完全滲入。怡保雞絲湯貴刁（河粉）配料有蝦、魚片、韭菜、雞絲、芽菜蝦肉彈牙無雪藏味，比左大量既雞絲，雞絲入味配埋韭菜成個湯底味更出，清甜唔油膩，河粉好滑。高佬麵配豬軟骨呢款撈麵相當滋味，未撈上旁邊既秘製辣醬就已經好有色水，加上半熟流心蛋，蛋香可以中和辣味，豬軟骨十分軟熟，惹味之選。馬來西亞拉茶口感非常順滑，紅茶配上煉奶，有茶香更帶一股香濃奶味，好出色！