拍板風味 (已結業)

今晚我們去咗何文田勝利道嘅「拍板風味」食晚飯！我們叫咗烤黃骨魚同奇味鷄煲！另外叫咗黃鱔、田鷄同蔬菜籃！烤黃骨魚嘅肉質相當鮮甜嫩滑，無乜魚腥味，而且有四條咁多，真係幾抵食，湯底有芽菜、木耳、酸菜同豆卜，木耳好爽滑，酸菜嘅酸味同黃骨魚嘅鮮甜味滲入晒湯底度，而豆卜就吸收湯底嘅酸香味，真係好惹味！奇味鷄煲嘅鷄肉肉質相當鮮味嫩滑，秘製嘅醬汁味道非常惹味香濃！黃鱔嘅肉質好肥美厚身同爽脆彈牙！田鷄非常新鮮，肉質相當結實彈牙，味道好鮮甜！蔬菜籃嘅菜清洗得都幾乾淨衛生！