狂野麻神麻辣火鍋 (已結業)

又到秋涼郊遊季節🍁同朋友行左成日山，出返市區食餐好先返屋企~朋友一早book定呢間火鍋，兩個人就最方便，乜都唔使諗叫左個二人餐！🔸狂野海鮮二人餐🔸黎呢度點可以唔試佢哋嘅招牌麻神麻辣湯😳呢個餐可以雙拼湯底，我哋另外仲揀咗清清哋嘅冬瓜瑤柱湯😋麻辣湯好惹味，少少麻，唔會好辣，即使就咁飲都唔會嗆喉👍入面仲有果凍鴨血同千層豆腐，非常入味，不得不提個鴨血真係好滑好似啫喱咁，果然冇改錯名！至於冬瓜瑤柱湯入面一樣好足料，有冬瓜、蝦米、瑤柱、肉碎等，味道則比較清甜。🔸海鮮 （元貝、鮑魚、蝦、蜆）🔸海鮮都好新鮮，大大粒日本元貝，非常鮮甜！仲有多款蜆類，配麻辣湯入晒味~鮑魚同蝦亦都好爽口彈牙😋🔸牛肉盛 （牛頸脊、牛胸爽、牛花膠、一口牛、封門柳）🔸打邊爐又點少得牛，餐廳非常貼心，每款牛上都有提示客人需要淥幾耐👍最鐘意一口牛同牛胸爽，兩者口感唔同～牛胸爽爽口重牛油香味，而一口牛就好軟同有牛味🤤🔸七色菜籃🔸均衡飲食又點可以唔食菜😆菜籃有金菇、冬菇、南瓜、生菜、粟米等，蔬菜吸收冬瓜湯，連平時唔多食菜嘅朋友都爭住食😆🔸手打貢丸、水晶寛粉🔸餐廳嘅手打貢丸外形好似粒花咁好別致，入面嘅木耳令口感變得清爽，至於寛粉非常煙韌，