樂天經典 (已結業)

最近親戚係外國返左黎香港，要搵間有特色又好食既中菜餐廳，朋友介紹左依間有新加坡黑胡椒蟹既餐館，所以早幾日同埋佢地一齊去左食下有幾巴閉！餐廳感覺舒適寬敞，我地坐近門口位置既長方桌，叫左三餸一飯一湯，食飯前店員先送上前菜眉豆粟子過下口癮淮山杞子鮮螺頭湯一盅大約四至五人份量，個湯非常足料，當中有淮山、杞子、螺頭、雞爪、瘦肉等材料，味道濃郁，飲得出煲得好夠火喉，非常好飲，超推介黃金蝦球叫左個M size，蝦球大隻彈牙，外層既鹹蛋蓉非常之多，係咬一半都已經好邪惡，完全double份量鹹蛋，好好味啊，如果係鹹蛋迷必定鍾意！朋友推介得依度既星洲黑胡椒蟹，所以點都叫左個L size黎試下，蟹外面個層胡椒醬汁好惹味再慢慢舔住食內層蟹肉，非常厚肉嫩滑，愈食愈辣，如果可以邊食蟹邊食飯，係正到痺最窩心既係有圍裙同手套比我地，怕食個時彈到件衫油浸銀雪魚叫左M size，一共有兩件，銀雪魚先半煎炸，再淋上甜豉油作調味，魚肉嫩滑，魚味十足，點埋個甜豉油食好正，估唔到咁普通既菜式，但味道係令人有驚喜最後叫左個M size臘味炒飯，炒飯材料好足料，臘腸粒食極仲有，炒飯炒得好入味，入口粒粒分明，有穫氣甜品椰子西米露湯圓椰