百里

營業中

休息中

今日經過見到間新店，見到招牌叻沙個廣告牌決定一試！都算好驚喜喎…. 叫咗個叻沙摻摻同印尼炒飯，加杯話梅桔仔冰，門口個妹妹好有禮貌解釋話係即炒，所以要等8分鐘左右。行咗個圈返嚟就有得攞，返到上樓仲係熱辣辣！印尼炒飯加埋辣椒醬惹味，仲有太陽蛋同正宗印尼蝦片送！😋叻沙湯底夠香濃，配兩隻大蝦好鮮甜冇雪味，我老公成碗湯飲埋….. 辣得過癮，好彩叫埋杯話梅冰下下火！難得搵到有心做出品嘅小店，如果可以出多兩款小食就更好！會再幫襯！