媽咪雞蛋仔

營業中

休息中

今次叫咗個小山園抹茶雞蛋仔（$29）同雙重芝士雞蛋仔（$45）抹茶雞蛋仔抹茶味都算出，好明顯食到，亦都食得出真係用小山園抹茶粉。餡嘅份量都好正常，整個雞蛋仔都外脆內軟。至於呢個價值$45嘅雙重芝士雞蛋仔就真係幾失望，雞蛋仔嘅餡得啲好淡嘅芝士味，個邊位嘅芝士味會濃啲，但佢叫得雙重芝士雞蛋仔我就會預計芝士味濃三/四倍。所以好失望，絕對唔值呢個價錢。整體兩件雞蛋仔都好脆，好食的，只係雙重芝士雞蛋仔唔值咁貴。果然上環呢間媽咪雞蛋仔質素幾好。