影片
更多
2017-10-16
255 瀏覽
秋風起，三蛇肥，木嘴我更肥。雖然木嘴對食物要求唔高，但天氣涼涼地就特別想食野，尤其係辣野。木嘴既朋友見到最近IG推介緊個平價麻辣鍋，就力邀木嘴去試下。夜晚7點左右去到間鋪，原本以為IG出得名，就一定勁多人排隊，但可能因為時間尚早，可以直入唔駛等仲有大把位揀。坐低見到隔離個個都係食米線，心諗唔係入錯鋪頭咁老尷呀。但睇睇Menu，又真係有麻辣干鍋嫁喎。既然係咁，即嗌。呢個麻辣干鍋需要自己揀辣度，同埋揀鍋入面有咩餸，木嘴我呢個凡事講求求其既人即時放棄，全部交俾木嘴既朋友決定嗌乜。搞左一輪，最後叫左個麻辣小辣，餸就有鯇魚片、豬腩肉、金菇、海帶、蕃薯苗、薯粉。特登叫多幾個菜，自欺欺人覺得食完煲野會又健康又唔會肥。上到黎，賣相都幾OK喎，一開始食個辣仲覺得岩岩好，但越食越辣，個嘴差d變左東成西就入面梁朝偉個孖膶腸。不過人就係咁犯賤，木嘴雖然一路嗌辣，但一路keep住食，因為真係辣得好過癮。雖然係咁，木嘴建議平時無食開辣既就唔好叫小辣喇，除非你好嚮往梁朝偉條孖膶腸。不過個煲唯一唔好既地方係無個火係度熱住佢，所以涼得有D快，難以想像到左冬天個煲會點樣秒速降溫。建議如果想食熱野既人另外加湯加爐變成火鍋，
坐低見到隔離個個都係食米線，心諗唔係入錯鋪頭咁老尷呀。但睇睇Menu，又真係有麻辣干鍋嫁喎。既然係咁，即嗌。呢個麻辣干鍋需要自己揀辣度，同埋揀鍋入面有咩餸，木嘴我呢個凡事講求求其既人即時放棄，全部交俾木嘴既朋友決定嗌乜。
搞左一輪，最後叫左個麻辣小辣，餸就有鯇魚片、豬腩肉、金菇、海帶、蕃薯苗、薯粉。特登叫多幾個菜，自欺欺人覺得食完煲野會又健康又唔會肥。
麻辣干鍋
70 瀏覽
0 讚好
0 留言
上到黎，賣相都幾OK喎，一開始食個辣仲覺得岩岩好，但越食越辣，個嘴差d變左東成西就入面梁朝偉個孖膶腸。不過人就係咁犯賤，木嘴雖然一路嗌辣，但一路keep住食，因為真係辣得好過癮。雖然係咁，木嘴建議平時無食開辣既就唔好叫小辣喇，除非你好嚮往梁朝偉條孖膶腸。
不過個煲唯一唔好既地方係無個火係度熱住佢，所以涼得有D快，難以想像到左冬天個煲會點樣秒速降溫。建議如果想食熱野既人另外加湯加爐變成火鍋，咁就唔洗見住佢由麻辣干鍋變麻辣冷鍋。
值得一提係呢間鋪頭服務非常好，老闆初時見我地一頭霧水特登咁填落單紙果陣走過黎好好人咁教我地點落單，之後仲教埋我地點食先好食，食完又唔會滾水淥腳咁要我地走，完全係愛既表現。想平平地開開心心食個滋味麻辣干鍋呢度應該唔會令你失望。
張貼
