影片
更多
2022-08-29
718 瀏覽
大冒險家餐廳今個週末同男朋友嚟到迪士尼玩。之前都嚟過大冒險家餐廳用膳，食物質素唔差，今次見到有半自助餐，就拿拿林網上book位。半自助餐每人$258，包咗一份主菜，自助餐區任食頭盤、沙律、甜點同飲品。主菜分別叫咗日式照燒汁牛肉配南瓜薯蓉及炒雜菜同香煎精選海魚配燒薯、炒雜菜及檸檬牛油汁。-------------------------主菜🐂日式照燒汁牛肉配南瓜薯蓉及炒雜菜牛肉好軟腍，每舊牛肉都帶有軟筋，一啲都唔韌之餘又好有口感而2份主菜上都擺放咗印有迷離大宅Mystic Manor符號嘅餅乾，連塊餅乾都好鬆脆🐟香煎精選海魚配燒薯、炒雜菜及檸檬牛油汁海魚肉質好扎實，魚味香濃，配埋檸檬牛油汁，令魚味更出，魚肉更滑配菜都唔差，蔬菜幾甜頭盤頭盤有章魚燒，日式炸雞同炸蔬菜餅🐙章魚燒size啱啱好，可以食到幾粒。內裏幾細滑，唔會食到一舊舊粉漿，加埋適量嘅醬料木魚，好惹味🍗日式炸雞雞肉好嫩滑，炸粉唔厚。但可能放耐咗，外皮淋咗啲唔夠脆🧆炸蔬菜餅夠脆，香口🥗沙律本人平時唔係話好鍾意食沙律，但哩幾款沙律係有驚喜，我同男朋友都添咗幾碟煙三文魚沙律一啲都唔吝嗇，煙三文魚鋪滿咗沙律菜面。而三文魚夠鹹香，配清淡嘅
今個週末同男朋友嚟到迪士尼玩。之前都嚟過大冒險家餐廳用膳，食物質素唔差，今次見到有半自助餐，就拿拿林網上book位。
半自助餐每人$258，包咗一份主菜，自助餐區任食頭盤、沙律、甜點同飲品。主菜分別叫咗日式照燒汁牛肉配南瓜薯蓉及炒雜菜同香煎精選海魚配燒薯、炒雜菜及檸檬牛油汁。
-------------------------
主菜
🐂日式照燒汁牛肉配南瓜薯蓉及炒雜菜
牛肉好軟腍，每舊牛肉都帶有軟筋，一啲都唔韌之餘又好有口感
而2份主菜上都擺放咗印有迷離大宅Mystic Manor符號嘅餅乾，連塊餅乾都好鬆脆
🐟香煎精選海魚配燒薯、炒雜菜及檸檬牛油汁
海魚肉質好扎實，魚味香濃，配埋檸檬牛油汁，令魚味更出，魚肉更滑
配菜都唔差，蔬菜幾甜
頭盤
頭盤有章魚燒，日式炸雞同炸蔬菜餅
🐙章魚燒size啱啱好，可以食到幾粒。內裏幾細滑，唔會食到一舊舊粉漿，加埋適量嘅醬料木魚，好惹味
🍗日式炸雞雞肉好嫩滑，炸粉唔厚。但可能放耐咗，外皮淋咗啲唔夠脆
🧆炸蔬菜餅夠脆，香口
🥗沙律
本人平時唔係話好鍾意食沙律，但哩幾款沙律係有驚喜，我同男朋友都添咗幾碟
煙三文魚沙律一啲都唔吝嗇，煙三文魚鋪滿咗沙律菜面。而三文魚夠鹹香，配清淡嘅沙律菜一流
蜜桃雞胸沙律好清甜，雞胸肉好嫩滑
吞拿魚沙律唔會腥，加埋袖子汁，好清新
甜點
🍰甜點都有隱藏米奇，好可愛，食落都開心啲。蛋糕好軟熟，cream好細滑，朱古力又好香濃，唔錯唔錯
飲品
飲品有果汁，茶選擇，但估唔到有芒果乳酪，好creamy，唔會過甜，好飲
而食到甜品又可以選擇茉莉花茶解解膩
仲有港式奶茶，奶味濃，好香濃香滑
-------------------------
哩個自助餐喺迪士尼嚟講都算抵食，園內其他餐廳百幾蚊一個餐都走唔甩。雖然選擇唔係好多，但全部食物質素都幾唔錯，成餐都食得好滿足，今次同男朋友都好滿意
如果喺網上book咗先，到時唔洗等位之餘，仲可以免加一服務費𠻹
大冒險家餐廳
地址
🎈大嶼山香港迪士尼樂園迷離莊園
張貼
