影片
更多
2006-11-12
29 瀏覽
前幾天係男友的生日,又係要諗食咩嘢的時候,正在頭痛之時,幸好我男友俾咗貼士我話想食私房菜喎,所以喺openrice搜索咗一輪之後,我選擇咗Bon Appetit.據我所見,當日Bon Appetit應該全場爆滿,而且好似每枱都有人慶祝生日,因為每枱都放有一張生日咭呢!首先由環境講起,室內的燈光調較得暗暗的,很有氣氛及情調,枱與枱之間不會太過擠迫,而且全晚仲有抒情的英文歌播放,幾好喎.至於食物方面,全晚共有8個courses(連飲品),我比較鍾意"女人的心",好特別,尤其係中間的蕃茄心,甜甜冷冷的,好好味.連我男友都讚好.鵝肝都好好味,旁邊一粒粒的紅酒啫喱好重紅酒味,令人一試難忘.主菜方面,我點咗羊膝,男友就要脆皮鴨.羊膝幾大隻,但係啲肉幾滑,唔錯.相反,脆皮鴨就冇咁多肉食,多數都係骨,好彩味道搭夠.全晚最特別又最令男友及我驚喜的就係當晚給我男友發現咗一位和他同年同月同日生的有緣人呢!當日同時都係老闆娘阿Sue的生日,於是幾個"同道中人"就一齊影大合照及互相交換電話及email,大家仲一起討論大家喺性格上有咩嘢共通點呢!!!我哋一定會再去的...
據我所見,當日Bon Appetit應該全場爆滿,而且好似每枱都有人慶祝生日,因為每枱都放有一張生日咭呢!
首先由環境講起,室內的燈光調較得暗暗的,很有氣氛及情調,枱與枱之間不會太過擠迫,而且全晚仲有抒情的英文歌播放,幾好喎.
至於食物方面,全晚共有8個courses(連飲品),我比較鍾意"女人的心",好特別,尤其係中間的蕃茄心,甜甜冷冷的,好好味.連我男友都讚好.鵝肝都好好味,旁邊一粒粒的紅酒啫喱好重紅酒味,令人一試難忘.主菜方面,我點咗羊膝,男友就要脆皮鴨.羊膝幾大隻,但係啲肉幾滑,唔錯.相反,脆皮鴨就冇咁多肉食,多數都係骨,好彩味道搭夠.
全晚最特別又最令男友及我驚喜的就係當晚給我男友發現咗一位和他同年同月同日生的有緣人呢!當日同時都係老闆娘阿Sue的生日,於是幾個"同道中人"就一齊影大合照及互相交換電話及email,大家仲一起討論大家喺性格上有咩嘢共通點呢!!!
我哋一定會再去的...
張貼