Plato (已搬遷) 新店位置

行開油麻地報名上興趣班後，有朋友係外國返港，有成三年冇見，真係要搵間可以慢慢坐，又舒服餐廳。傾下計。點知經過見到門口幾吸引，價錢合理，已經直係中華書局隔離(方便朋友，搵到位置）。最後，決定叫個二人餐HKD398二位加一服務費。有頭盤，湯，意粉，小食，主菜，甜品，飲品。咩都有哂諗😂😂頭盤方面，酸忌廉脆煙肉薯條。一大個好似雪糕般大小既cream，配上熱烈烈又粗薯條，一熱一凍口感特別，一面傾計，一面食吾經吾覺就食哂。湯方面:南瓜忌廉湯，濃濃南瓜味，加配小小忌廉，暖一暖胃。意粉方面，法國牛肝菌帶子忌廉汁意大利粉。意粉煙韌不會過淋，帶子新鮮，爽口，配上牛肝菌汁帶出味道，而不油。意粉份量夠二人份。主菜，本身想叫安格斯牛扒，但因朋友不食牛，最後點了美國黑豚肉眼扒，配紅桑子燒汁。扒都有小小厚，食落充滿肉汁，一開始有小小難切，但食落香口配上酸酸既汁。配菜有煎香薯仔，一小碗份量沙津菜可以中和濃濃的肉味。最後，選了藍莓芝士糕和提拉米蘇。小小木圓碟配上一件件蛋糕好精緻，芝士味夠，餅底厚度適中，提拉米蘇有小咖啡味配朱古力醬。很好。再配一杯熱檸茶，滿足的一餐。