Moreish & Malt (蕪湖街) (已結業)

紅磡呢個地方真係變晒天，好似新增既黃埔地鐵站，令到當地嘅交通更為便捷，好似喺附近嘅酒店逸酒店，以前都有西餐high tea食，現在就變左好有氣氛既西餐廳。我地坐咗喺近窗邊既位置，氣氛真係相當唔錯，我哋四個諗緊食咩嘢，發現原來佢哋今日係Steak Night，可以點唔同類型既扒類，一開始我哋叫咗300 gram嘅肉眼扒，肉質好厚身，又好juicy，成件扒都好大塊，係烤左一段時間先出爐，肉香飄飄，相信要我哋四個人嘅胃口先食得晒。碟上面仲配有又粗又長嘅薯條，分量非常多，四個人真係食唔晒，好彩佢俾埋燒烤醬同茄汁我地點，先冇咁熱氣。另外我哋仲叫咗個豬肋骨，豬骨好大塊，好似巨人嘅size，醬料把整件豬肋骨覆蓋，酸酸甜甜的，加上酸椰菜做配搭口感不太heavy，可以連續食多兩件。我最喜歡都係佢哋個嘢飲，有個特飲類似朱古力奶Choco Milk，賣相一流而且味道唔會過甜，令人好想在炎熱的夏日多嚐一口，上面嘅忌廉同下面嘅朱古力飲料，完美地混合起來。