So Bar (已結業)

蘇媽蘇媽呢個名相信大家都唔陌生，唔知大家又聽過蘇巴未呢🤣今次介紹呢間餐廳So Bar就係同蘇媽蘇媽合作，開喺尖沙咀同一個鋪位，食物方面主打東南亞食品，各式酒水都好齊全，加埋餐廳環境好優美，打卡真係一流🤩🥩燒牛舌芯 牛舌燒得好香，食落口感好有咬口不過唔會韌。味道方面都好重牛味，食落都好juicy😋🍤炸蝦扒蝦扒炸得好酥脆，而且唔厚粉，食落啖啖蝦肉，非常之足料😋🥗大蝦沙律 大蝦一共有五隻，每一隻大蝦都好大隻，肉質好實正亦都好香蝦味，沙律嘅醬汁係用咗黑醋，食落酸酸甜甜好惹味😍🍖黑醬照燒排骨 呢道菜睇相都好吸引，食落果然無令人失望，上菜時已聞到排骨燒完嘅香味，用黑醬燒就更做到焦香效果，食落都有唔少肉，唔會話骨多肉少，肉質燒完都仲好嫩滑，非常之好味🤩🍺Espresso Tonic 呢杯飲品外觀好精緻，飲落好香咖啡味，十分之特別☺️🍸Passionfruit Lime Soda 熱情果味好濃，飲落甜度適中，呢個天氣飲非常之涼快😍