梨泰院 (愉景新城) (已結業)

一直都幾鍾意愉景新城呢個地方，因為比較舒服又寧靜啲，同埋佢嘅餐廳都幾有質素。最近有啲新餐廳加入～今次見到新開張嘅呢間韓國餐廳，佢好乾淨企理，就想試吓佢嘅炸雞好唔好食～(利申超鍾意食韓食嘢特別係炸雞)我哋叫咗沙律，炸雞，然後有份芝士豬腩肉同my favourite泡菜煎餅。今次試咗呢個韓式豆醬炸雞，但係食唔到豆醬味，不過炸得幾好，粉醬唔會太厚。另外邪惡啲嘅芝士豬肉！好惹味，芝士又多。沙律正常OK嘅，泡菜餅佢好特別配咗啲楓糖漿，我幾鍾意食有咸有甜嘅嘢食，佢有啲似熱香餅，真係幾喜歡😋5星為滿分*😋美味：⭐️⭐️⭐️⭐️💰價錢：⭐️⭐️⭐️⭐️🛋環境：⭐️⭐️⭐️⭐️⭐️🤵‍♀️服務：⭐️⭐️⭐️⭐️🚶‍♀️回頭：⭐️⭐️⭐️⭐️🏠餐廳：梨泰院 (荃灣)📍地址：荃灣青山公路荃灣段398號愉景新城地下1019號舖