影片
更多
2015-08-22
1488 瀏覽
星期日無乜野做就約左個fd去愉景灣行下，順便玩埋個11米高嘅滑梯。我地兩個成4點先入到去，排左差唔多一個鐘再响沙灘hea下，不知不覺都已經6點幾，沖埋身就準備去醫肚其實D"DECK 嘅向海果面嘅餐廳都差唔多食過晒，所以今次就諗住試新野，由廣場果邊開始睇下有咩好食。行行下俾Figos嘅簡約裝修同menu吸引住，就決定今晚幫襯呢間啦。因為太熱，就揀坐入面。一坐低就各自嗌左杯野飲cool down下先，本身想叫Lychee Dmoothies, 但賣晒，所以就換左做Strawberry Smoothies, 而個fd就叫左杯Iced Double Bubble Tea.Iced Double Bubble Tea (左): 賣相同tent card張相一樣。味道幾refreshing，唔算太甜，酸酸地好醒胃。Strawberry Smoothies (右): 味道一般，唔係好飲得出士多啤梨味，唔係好甜，都算解渴嘅。嗌完野飲就嗌野食啦，由於我地兩個女仔唔係好肚餓嘅原故，就簡簡單單嗌左個沙律同甜品。Prawn,Mango & Avocado Salad ($165): 由於朋友仔話想食牛油果，就
其實D"DECK 嘅向海果面嘅餐廳都差唔多食過晒，所以今次就諗住試新野，由廣場果邊開始睇下有咩好食。行行下俾Figos嘅簡約裝修同menu吸引住，就決定今晚幫襯呢間啦。因為太熱，就揀坐入面。
一坐低就各自嗌左杯野飲cool down下先，本身想叫Lychee Dmoothies, 但賣晒，所以就換左做Strawberry Smoothies, 而個fd就叫左杯Iced Double Bubble Tea.
Iced Double Bubble Tea (左): 賣相同tent card張相一樣。味道幾refreshing，唔算太甜，酸酸地好醒胃。Strawberry Smoothies (右): 味道一般，唔係好飲得出士多啤梨味，唔係好甜，都算解渴嘅。
嗌完野飲就嗌野食啦，由於我地兩個女仔唔係好肚餓嘅原故，就簡簡單單嗌左個沙律同甜品。
Prawn,Mango & Avocado Salad ($165): 由於朋友仔話想食牛油果，就揀左呢個！蝦ＯＫ大隻同幾爽口，個汁酸酸地，再加埋啲清甜嘅芒果同牛油果balance番個味道，係嚴嚴夏日之選!如果多啲sauce 會更加好~
Chocolate Chip Cookie Skillet ($75)： 個menu有成6,7種甜品揀，最後見佢話simply to die for ，好似非試不可，咁就點左呢個，睇下佢係何方神聖先。啲溶溶地嘅雲尼拿雪糕加埋個熱熱地曲奇mix brownie餅底，口感好好又唔會話太甜。不過食多幾啖就開始有濟嘅感覺，最後只係食左2/3個就放棄左。。。總括嚟講，呢間餐廳嘅價錢同環境都唔錯，下次嚟開愉景灣可以有多個選擇！
張貼
