何車車仔麵 (界限街) (已結業)

食物好食，可惜店舖太細外賣單源源不絕，等位等嘢食需時，如果有空餘時間都會再去支持🥰⭐️細何麵五餸 $40⭐味道：8/10👧🏿：五餸包咗豬皮、豬紅、蘿蔔、雞翼、魚蛋；計過咁叫比散叫抵食。蘿蔔超淋身，冇渣，清甜，推介👍🏻豬皮吸滿咖喱汁，夠入味👍🏻其餘3個款就不過不失✌🏻湯底簡咗超重口味嘅配搭鹵水汁溝牛腩汁+大辣汁+多咖喱汁+蔥+芫茜+乾蒜+蒜😂味道好豐富，配埋超吸汁嘅河粉，卡路里又再爆燈😖不過佢哋嘅辣汁唔算勁，大家可以放心試！️ ⭐蒜油蝦子撈麵+牛舌芯$15+$15⭐味道：7/10👦🏻：蒜油味香濃，略為蓋過蝦子味道，加埋自選嘅蔥+芫茜+乾蒜+蒜，總體都夠香口。牛舌芯爽脆，略嫌簿身咗啲。