屏山跑車餐廳

營業中

休息中

朋友住天水圍西鐵站附近，佢話成日經過見到間賽車主題餐廳，叫我陪佢去試吓。聽到個名都已經好吸引，所以我哋就決定試吓呢間。首先我係俾呢架古董車吸引住，車牌同鋪名一樣🏎🏎🏎我哋決定叫二人餐，當然就係叫反呢間推介既F1牛肋骨同埋賽車手pizza🍕🍕蜜糖雞翼拼芝士薯條，雖然唔係咩特色食物，但食得出師傅精心炮製，雞翼外脆內juicy，加埋少少蜜糖汁，好夾。連沙律菜都好新鮮全部食晒😋重頭戲黎啦，賽車手薄餅😍餅底好薄好脆，餡料極厚，落足料。一咬落去好多火腿，啲芝士汁流晒出嚟，真係唔係咁好意思講我哋食晒囉😆牛肋骨，多汁鮮嫩，好重牛肉味。火候掌握得啱啱好，軟熟適中好正呀我諗好多人都叫呢兩個主食😆因為隔離台同我地既食物一模一樣，真心推介，我一定會再嚟。