甘饕 (已結業)

呢間舖頭新開的，每次經過都想去食， 因為窗口吊住一隻隻好吸引。 今次行完街經過終於有機會去食。本身對佢嘅食期望唔係特別大。 我哋嗌咗個玫瑰雞，好入味，好嫩，完全超乎期望。 另外我哋仲買咗個青菜， 但係佢應該係用燒鵝豉油汁去整， 所以食落去唔會太淡，有啲香口。我哋星期六7點入座，完全唔使等位，仲要有窗口位。 啲姐姐都服務好好，好有耐心。 店內環境幾好， 同普通茶餐廳差唔多， 有少少裝修坐落去都舒服啲。 下次有機會一定會再食。