影片
更多
2017-07-26
2159 瀏覽
平時放工等人既時候都會去Mira Mall行下消磨時間，呢次竟然係最底層見到有間裝修得好靚既Cafe，顏色又鮮豔，門口仲見到一大樽裝住好多水果既Detox Water，勁靚囉。所以直情同朋友講叫佢黎呢度食。炸魚柳沙律配他他醬魚柳炸得好香脆，咬開後魚肉又保持著嫩滑，一啲都唔會乾！沾埋他他醬，好夾！食完一舊再食沙律，完全無曬罪惡感咁！黑咖哩汁蛋包飯配吉列豬扒咖哩汁好多，個蛋都幾大個，煎到9成熟，唔乾。黑咖哩真係好少見有，第一次食，味道比普通日式咖哩甜少少，又幾易入口！吉列豬扒亦都幾多件，肉質唔鞋，炸到同魚柳一樣脆，而且份量絕對可以配曬啲咖哩汁同飯！男仔食呢碟飯絕對夠飽的！明太子忌廉汁意粉明太子係我至愛，所以見到必點！意粉上面仲要有一大堆明太子醬，而且呢個忌廉汁整得好好，creamy得黎，又唔會蓋左明太子既味，越食越好味！又想飲野又想食甜品，所以同朋友share一杯蜜桃茶，留返個胃食甜品！貪心既我地，叫左呢個朱古力香蕉吐司。因即叫即整，所以都等左15-20分鐘左右！黎到放上檯就已經聞到好香，塊吐司好厚，我已經迫不急待切開黎食！原來中間係有吉士醬架，所以係外脆內軟，配埋面頭既香蕉，真係好滿足
炸魚柳沙律配他他醬
魚柳炸得好香脆，咬開後魚肉又保持著嫩滑，一啲都唔會乾！沾埋他他醬，好夾！食完一舊再食沙律，完全無曬罪惡感咁！
黑咖哩汁蛋包飯配吉列豬扒
咖哩汁好多，個蛋都幾大個，煎到9成熟，唔乾。黑咖哩真係好少見有，第一次食，味道比普通日式咖哩甜少少，又幾易入口！吉列豬扒亦都幾多件，肉質唔鞋，炸到同魚柳一樣脆，而且份量絕對可以配曬啲咖哩汁同飯！男仔食呢碟飯絕對夠飽的！
明太子忌廉汁意粉
明太子係我至愛，所以見到必點！
意粉上面仲要有一大堆明太子醬，而且呢個忌廉汁整得好好，creamy得黎，又唔會蓋左明太子既味，越食越好味！
又想飲野又想食甜品，所以同朋友share一杯蜜桃茶，留返個胃食甜品！
貪心既我地，叫左呢個朱古力香蕉吐司。
因即叫即整，所以都等左15-20分鐘左右！
黎到放上檯就已經聞到好香，塊吐司好厚，我已經迫不急待切開黎食！原來中間係有吉士醬架，所以係外脆內軟，配埋面頭既香蕉，真係好滿足！
張貼
