薄餅怪獸 (已搬遷) 新店位置

最近搬左屋，食野唔夠以前方便。以前一落樓下滿街都係餐廳。搬左黎紅磡呢邊唔再咁方便，因為女朋友唔返黎食，自己一個人發掘下附近有咩好食，比我搵到呢間pizza鋪間野堂食唔大，我估都係做外賣生意多。見佢門口放左塊水牌寫有咩食，竟然比我見到有個蜆肉炒意粉，平時係出面起碼要70幾蚊，呢度竟然45蚊仲要跟件炸雞。賣食幾好，我仲要落埋芝士粉。任落架😊😊😊份量絕對可以飽肚，蜆肉同洋蔥係最佳拍擋，佢地果個白汁芝士味好重。無出面西餐既服務同裝修，但價錢同味道取勝。加3蚊可以轉凍檸茶，天氣再凍都要飲，大愛。總結可以當食堂。因為仲有好多食品未試。