奈良上釜 (已結業)

放工經過銅鑼灣，唔知食乜好，見間日本野嘅門口唔錯，於是入去試吓...喺門口等左幾分鐘，就有得入座。不過坐近門口，大門又開又閂，有啲辛苦...不過餐廳人唔多，座位都算寬敞，坐得幾舒服。打開餐牌，望下價錢係有啲貴，但坐低左又唔好意思走。叫咗兩個飯，先嚟前菜，係燉蛋。燉蛋好似好簡單，但賣相唔錯，加埋食具，好似去咗日本咁。燉蛋食落好有驚喜，簡簡單單嘅燉蛋加汁，好有層次，唔單止燉蛋滑，個汁好夠味，又足配料，非一般燉蛋！之後兩個主角——飯上枱，更加驚奇！個蟹肉飯好乾身，配料好足，加埋少少嘅魚子，啲鮮味出晒嚟！至於個牛肉飯仲正，牛肉同飯嘅比例可以話係一比一，啲飯滿晒牛肉味，唔使加汁 ,每啖都好香嘅牛肉味，加埋隻溫泉蛋，色香味俱全！