粵式生香蒸氣海鮮火鍋 (已結業)

平時係街，是是旦旦食一個蒸氣火鍋，基本上都係按人頭收費，普普通通價錢大約每位都要$3-400左右。呢一間，有海鮮套餐既選擇($498/4人餐)，如果唔揀海鮮套餐，另外仲可以散叫食物，選擇比較彈性。蟲草雞($128/半隻)無骨！超滑！好食！必食推介！另外，侍應姐姐服務好好，幫埋你蒸野/分菜，見你落手拆蟹，等你食完之後，會主動遞上濕紙巾。當日book唔到心儀既蒸汽火鍋店，唯有求其係尖沙咀區搵到呢間，見到openrice d食評同餐牌都N年前咁制，心入面都打左個底先去食，但估唔到竟然有意外驚喜～。