羅麥記 (奧海城2期) (已結業)

前幾日返工好想食沙嗲牛肉麵，放工經過奧海城附近見到有羅麥記，之前同朋友喺另一間食過都幾好，就入去食下。睇晒餐牌，搵極都搵唔到有類似常餐之類嘅食物，一問下，原來只限六點前供應⋯⋯既然坐低咗再睇吓有咩其他好食。突然見到有兩版全版嘅向世界撈麵，好似係餐廳主打嘅信心之選，就揀個蔥油豬扒撈丁試吓。個豬排食落真係不得了，煎得金黃，食落脆卜卜，豬扒鬆化多汁，仲要係非常之香口，但感覺唔熱氣嗰隻，非常好食。蔥油撈公仔麵我keep到彈性，一啲都唔乾身，越食越開胃！奶茶夠滑，但飲落去就覺得茶味濃左d，我自己就鍾意淡返少少，奶味都夠，今晚餐飯比我想像中好食，雖然食唔到想食嘅嘢常餐，但就意外發現呢個豬扒撈丁，都算唔錯！