串串貢 (已結業)

我真心想講俾大家知個牛肉粉係好食到你唔信！好食到要寫個食評幫而間店打下氣!! 如果唔係去深水埗買野，我都未必會知道有而間野，亦無諗過一間火鍋店會隱藏左個咁好食既牛肉粉！！！一向情迷越南河牛腩河既我，食過無數咁多間粉麵，而個牛肉粉真係不得了，完全唔係平時香港食到既味! 連隔離枱都食到係咁讚，個牛骨湯底真係好濃郁，我飲曬成碗湯.....牛腩勁淋勁入味好好食! 加埋酸菜芫荽個味超夾超香! 雖然個鹵蛋有d硬，老闆娘話佢唔小心鹵耐左😂又雖然係深水埗區個價錢貴左d，但食完完全覺得好值得而且係真係會食完又想再食!