mr.kanso (已結業)

同朋友去銅鑼灣行街搵野食，見到紅色招牌，全色裝潢的Mr Kanso, 原來係罐頭酒吧餐廳黎。佢哋用日本罐頭再加以其他食材去烹製成一道道料理，見餐牌唔錯，決定入去試吓，意大利地好好味！我哋叫左4道菜，1個炒鳥冬，1個炒飯飯，2個小食，有吞拿魚味大和煮炒烏冬 $98、黑豚軟骨醬油炒飯伴太陽燶邊蛋 $98、脆炸鯖魚$78 、一口蟹膏多士 $78。我發覺佢地的吞拿魚可以好百搭，有蕃茄吞拿魚意粉、白汁吞拿魚意粉和吞拿魚味大和煮炒烏冬。因為我地想食鳥冬，所以叫左吞拿魚味大和煮炒烏冬，彈牙的烏冬上加左一堆木魚乾絲，好味度十足。黑豚軟骨醬油炒飯伴太陽燶邊蛋上,賣相非常吸引呀！濃濃的醬油包覆著每粒炒飯，加埋充滿膠原蛋白的豚軟骨，絕對唔可以錯過呀！