KOKOMI (已結業)

今晚接老公放工 一齊想食埋晚餐先番屋企本身想食Thai basil 但勁多人等位 見到隔離Kokomi 半間吉左初時都驚唔夠膽入但Thai basil 太多人 我地又想快啲食完返屋企 所以就膽粗粗入左黎幾有驚喜喔其實 餐廳環境好好 分左兩邊開放式廚房 可以坐人一邊刺身壽司 一邊鐵板燒 姐姐帶位時仲𥄫到有威士忌一打開餐牌就見到 有套餐 有酒 有散叫美食價錢其實可以 雖然選擇不算多 但啲威士忌仲平過某啲威士忌酒吧 由於今晚要速戰速決 所以二話不說說叫左兩個套餐海鮮烏冬同雜錦刺身兩個套餐都幾快上檯 烏冬餐有兩件壽司好新鮮 雜錦刺身由木碟載著 有新鮮感由貝類開始食 味道鮮甜 除池魚刺身較凍身外 飯及湯都要讚一讚！ 之後老公口痕再叫兩個鐵板燒小菜 真的不俗 燒牛舌十分爽口 鹽及黑椒比例剛好 不會辣口 兩人是次花費600多元 與附近白鮨差不多但環境更勝一籌以餐廳環境 服務 及食物來說 是不俗的