影片
更多
2014-12-07
600 瀏覽
Friday night 同班friend 去食飯，聽其中一個friend講佢屋企附近開咗間幾好食既小菜館，剛開業不久已佢一家人已幫襯咗好幾次，故我地一班人就決定走去試試。一去到大約7點半左右，囍囍已經坐滿8成人，之後見到原來佢地有個優惠，就係7:30pm前結帳及離座可享9折優惠，難怪可以吸引一些早放工一族以及附近既居民啦，又可以避開我地呢D由九龍區遲來的人。我地好快就有位坐，坐低後伙計好建議我地可以叫個套餐再加D野食就OK，絕無hard sell，呢點係我比較欣賞的。我地叫咗個真味套餐（2人餐），包招牌燉品兩盅，沙薑雞例牌，清蒸沙巴龍躉仔，有白飯及任選小菜一款，我地選咗咕嚕肉。另外加咗個金磚脆皮豆腐，木魚燒茄子，金絲蜜餞雞翼，脆皮椒鹽鮮魷同花膠柳浸青蔬。D野食好快就到，首先來咗兩個燉湯，真係好鬼好飲呀，我飲的既係椰子燉竹絲雞，個湯好清甜，好有榔香味，盅湯超足料，我個friend點咗滋潤杏汁燉白肺，奶白色的，好香杏仁味，飲完個湯已經好飽好滿足（溫馨提示︰先飲一半，留待之後再飲呀，如果唔係太飽食唔落野）。清蒸龍躉好新鮮，隔離張枱見到我地條魚都話好正！點知以為唔會有驚喜既咕嚕肉又出奇地好食
一去到大約7點半左右，囍囍已經坐滿8成人，之後見到原來佢地有個優惠，就係7:30pm前結帳及離座可享9折優惠，難怪可以吸引一些早放工一族以及附近既居民啦，又可以避開我地呢D由九龍區遲來的人。
我地好快就有位坐，坐低後伙計好建議我地可以叫個套餐再加D野食就OK，絕無hard sell，呢點係我比較欣賞的。我地叫咗個真味套餐（2人餐），包招牌燉品兩盅，沙薑雞例牌，清蒸沙巴龍躉仔，有白飯及任選小菜一款，我地選咗咕嚕肉。另外加咗個金磚脆皮豆腐，木魚燒茄子，金絲蜜餞雞翼，脆皮椒鹽鮮魷同花膠柳浸青蔬。
D野食好快就到，首先來咗兩個燉湯，真係好鬼好飲呀，我飲的既係椰子燉竹絲雞，個湯好清甜，好有榔香味，盅湯超足料，我個friend點咗滋潤杏汁燉白肺，奶白色的，好香杏仁味，飲完個湯已經好飽好滿足（溫馨提示︰先飲一半，留待之後再飲呀，如果唔係太飽食唔落野）。
清蒸龍躉好新鮮，隔離張枱見到我地條魚都話好正！點知以為唔會有驚喜既咕嚕肉又出奇地好食，炸得一D都唔厚身，肥肉不多，好鬼開胃！
我地聽老板介紹叫咗個脆皮椒鹽鮮魷，佢話呢個椒鹽鮮魷係用蛋白即叫即炸的，口感有別於一般椒鹽鮮魷，佢真係無介紹錯wor....個鮮魷好脆又唔油膩，又大件（當然係指鮮魷啦），好抵食！
小食類都做得好有水準架，脆皮豆腐都係即叫即炸，外表鬆脆，入面嫩甘。木魚茄子個燒汁做得好好味，金絲蜜餞雞翼做得香甜脆口，小朋友一定好鍾意！
我地仲見到隔離張枱叫咗個黑椒豬手食，WAH....隻豬手超大隻，原隻跟燒窩上，真係好足料，好後悔無叫tim....
呢間菜館仲有唔少海鮮選擇，價錢又唔太貴，下次要再來試下先！
題外話/補充資料：
老闆很熱情，材料新鮮純正，做菜很用心，值得一贊，下次一定再來
(以上食評乃用戶個人意見 , 並不代表OpenRice之觀點。)
張貼