Grubers (已結業)

睇戲又未食飯，以為只有熱狗同爆谷可以選擇之際，原來德福的MCL旁邊有一間餐廳，所有食物都可以帶入戲院，憑戲飛仲可以有折添！店內主要賣漢堡包同沙律等的快餐，我哋仲有20分鐘，仲可以食埋先入去。店內都幾企理，而且闊落。餐飲選擇主要係漢堡包，但就有好多變化，可以自選topping。仲有少量炸雞同沙律等等的配菜。我哋揀咗$88的套餐，仲揀左最傳統的漢堡。配上沙律，同埋鮮果汁。沙律可以自己動手，切合不同人口味。漢堡包賣相確係唔錯。傳統的漢堡內容都幾豐富，漢堡扒肉厚身。朋友仔加左兩款topping，更加精彩。幾欣賞佢哋個包用錫紙包住，可以保持漢堡包的溫度。一大啖咬落去，肉汁溢出，漢堡扒肉味濃郁，而且同醬汁好夾。整體來講，係非常高質的漢堡，絕對唔俾美式西餐廳遜色。朋友這個套餐裏面有款炸薯角，脆脆又惹味。諗住睇戲前食個快餐，冇諗過可以食到咁精彩的美食。相信呢間餐廳，又會增加我到德福MCL睇戲的動力。