影片
更多
2021-07-03
134 瀏覽
話說同老公拍拖出去食飯，通常揸車都會泊係金巴利街，之後行去厚福街搵下野食，見到新開日本料理，我哋就去試吓啦，仲可以睇住架車，唔怕比人抄牌。因為太肚餓，是旦叫左個燒鯖魚要頂住先，估唔到有煙燻味道，同平時燒鯖魚有所不同。我老公最鐘意食剌身壽司，廚師介紹食新鮮北海道海膽，自己挖啲肉出來勁正，倍感新鮮，入口即溶，色澤偏黃，好大隻，師傅話係當造期，所以特別清甜，中間仲有少少刺身加三文魚子，配搭得好好，賣相又靚。我地仲叫咗個「幸福刺身拼盤」，有8種咁多，今次個海膽結身些，味道濃些，一樣好好味，最特別係有水母，非常脆口，同海蜇口感完全唔同，真係要必試，仲有油甘魚，拖羅，牡丹蝦，白身魚薄切，深海池魚，赤貝，全部都好新鮮！拖羅入口即溶，勁香油甘味，我夾左塊唔知咩葉食，提升左成件事，好清新，雖然$780真係唔平，但我老公食嘢好腌尖，所以好捨得食，好彩佢都滿意，如果唔係反枱都似，魚生新鮮，睇得出用料係高質貨，原來師傅做開銅鑼灣高價omakase, 唔怪之得揀材料咁高端啦。男人無飯落肚，點都唔會飽，因為海膽堅好味，最後我哋叫左個海膽蟹肉炒飯，份量就細左d ,成$150架，炒得剛剛好，乾身得嚟又唔會硬，蟹肉好多
因為太肚餓，是旦叫左個燒鯖魚要頂住先，估唔到有煙燻味道，同平時燒鯖魚有所不同。
我老公最鐘意食剌身壽司，廚師介紹食新鮮北海道海膽，自己挖啲肉出來勁正，倍感新鮮，入口即溶，色澤偏黃，好大隻，師傅話係當造期，所以特別清甜，中間仲有少少刺身加三文魚子，配搭得好好，賣相又靚。
我地仲叫咗個「幸福刺身拼盤」，有8種咁多，今次個海膽結身些，味道濃些，一樣好好味，最特別係有水母，非常脆口，同海蜇口感完全唔同，真係要必試，仲有油甘魚，拖羅，牡丹蝦，白身魚薄切，深海池魚，赤貝，全部都好新鮮！拖羅入口即溶，勁香油甘味，我夾左塊唔知咩葉食，提升左成件事，好清新，雖然$780真係唔平，但我老公食嘢好腌尖，所以好捨得食，好彩佢都滿意，如果唔係反枱都似，魚生新鮮，睇得出用料係高質貨，原來師傅做開銅鑼灣高價omakase, 唔怪之得揀材料咁高端啦。
男人無飯落肚，點都唔會飽，因為海膽堅好味，最後我哋叫左個海膽蟹肉炒飯，份量就細左d ,成$150架，炒得剛剛好，乾身得嚟又唔會硬，蟹肉好多，面層仲有一大舊海膽，份量係一人前，都剛好足夠我老公食。
最後就係蕨餅，不過不失，唔係罐頭貨。
埋單$1190，多口問有冇優惠，原來佢哋有coupon, 食$1000-$100=$1090，其實都算抵，起碼食物質素對得起價錢
招呼都算周到，成晚感覺開心滿意，見到餐廳有梳化位，下次生日儲夠8人再去食過
0 瀏覽
0 讚好
0 留言
原隻北海度海膽
$180
4 瀏覽
0 讚好
0 留言
幸福刺身拼盤
$780
6 瀏覽
0 讚好
0 留言
海膽蟹肉炒飯
$150
5 瀏覽
0 讚好
0 留言
張貼
