利小館 (已結業)

兩個人黎得銅鑼彎唔食魚生，扒房，榮記，興發，都真係唔知食乜好！丫～又比我誤打誤撞入左哩間利小館，原來係食上海野既，一於試下佢！佢就係o向時代UA 隔離扶手電梯一落去個位(舊和民)。 每有荷葉飯既地方，我一定會叫，童年至愛，而家唔多茶樓有得食架啦，咁我冇理由唔叫架 去片！鮑汁雞粒荷葉飯, 個人覺得好食過東寶... 東寶之前食過覺得佢d 飯太淋, 哩個d 飯煮得岩岩好又夠味, 唔錯!醉雞, 都算入味, 雞又夠滑 係爭緊少少酒味姐, 唔夠酒味又點為之係醉雞呢?生煎飽, 好好味，個包超軟熟，又的的色色易入口，下次必叫!食飽又點少得甜品呢桂花釀丸子 - ok 啦, 但唔會encore.之後先知原來係利苑旗下既食肆，估唔到又幾好食，算是一間企理又唔洗點等位既上海及中菜館，下次一定再Encore