亞宝麻辣－麻辣燙川粵菜專門店 (已結業)

因為日本黎既朋友想食中國菜，喺朋友介紹下去試下呢間餐廳，環境似快餐店，去到都有少少驚驚地會失禮，點知食過之後就知無介紹錯。原本我都好怕食辣，所以都叫左幾款唔辣既餸，士多啤梨骨﹑ 上湯菜﹑ 菠蘿蝦球全部都好好味。但佢啲辣野辣得黎煮得好好味，所以我都忍唔住食左好多，鍾意食辣嗰幾個朋友直頭超級開心。尤其是個蟹，諗住呢種餐廳煮既海鮮應該都係求求其其，點知兩種煮法既都意外地好味，仲要都係二百幾蚊碟。重點推介個士多啤梨骨，好味到唔記得影相。