影片
更多
2021-04-16
471 瀏覽
瓏門一直以來都好多是非，好多人話難食又乜又物，我前年幫襯過買盤菜覺得好得，加上中意嘅明星都幫佢地站台，所以有一定信心。今日難得經過實體店又唔多人排隊，終於有機會試吓茶餐廳嘅部份。.既然啱時間就慳慳地叫下午茶餐。好幾個都覺得吸引嘅，最後叫咗芝士煙肉焗薯蓉拼香脆魚柳加熱檸茶。.茶第一樣到，味道正常，一般茶記水準。食物等咗一陣至到。個焗薯蓉俾我期望大咗一倍，成碗飯咁大！而且真係新鮮焗出嚟：芝士有焦香仲拉到少少絲，薯蓉又香又細滑！令人驚艷嘅薯蓉，令我即刻覺得要上嚟寫食評讚揚吓～眾所__知薯蓉滑就梗係多牛油，但食到尾都唔會覺得好漏，仍然覺得好好味😋 .炸魚柳其實都無咩期望，多年前响大字頭連鎖快餐店見識過啲薄過吉列嘅魚柳之後，好多年都無食過…呢度唔只俾我見返，原來條魚係有厚度，而且仲可以食到魚肉嘅軟滑！可惜唔夠熱，如果唔係再脆口啲應該仲正！.結論係瓏門嘢食其實都唔錯吖，好食又抵食，可以encore!!
.
既然啱時間就慳慳地叫下午茶餐。好幾個都覺得吸引嘅，最後叫咗芝士煙肉焗薯蓉拼香脆魚柳加熱檸茶。
.
茶第一樣到，味道正常，一般茶記水準。食物等咗一陣至到。個焗薯蓉俾我期望大咗一倍，成碗飯咁大！而且真係新鮮焗出嚟：芝士有焦香仲拉到少少絲，薯蓉又香又細滑！令人驚艷嘅薯蓉，令我即刻覺得要上嚟寫食評讚揚吓～眾所__知薯蓉滑就梗係多牛油，但食到尾都唔會覺得好漏，仍然覺得好好味😋
.
炸魚柳其實都無咩期望，多年前响大字頭連鎖快餐店見識過啲薄過吉列嘅魚柳之後，好多年都無食過…呢度唔只俾我見返，原來條魚係有厚度，而且仲可以食到魚肉嘅軟滑！可惜唔夠熱，如果唔係再脆口啲應該仲正！
.
結論係瓏門嘢食其實都唔錯吖，好食又抵食，可以encore!!
芝士煙肉焗薯蓉
13 瀏覽
1 讚好
0 留言
芝士煙肉焗薯蓉拼香脆魚柳
$42
34 瀏覽
1 讚好
0 留言
張貼
