金閣海鮮酒家

營業中

休息中

未試過呢間酒樓的晚飯，就黎試下。點知一入到去勁多人，差唔多枱枱都有人，所以得返d唔靚位坐，都唔緊要，反正都冇咩期望。點知餸一上，竟然有意外驚喜。首先係隻秘製雞，好滑唔鞋口，係連雞胸位置都一樣，而且唔貴👍👍👍👍跟住係例牌乳豬，皮脆口，有肥有瘦，就算唔點醬都有味，價錢唔算貴👍👍👍👍再黎係咕嚕肉，略嫌冇菠蘿同肥肉多過瘦肉，粉唔厚，但出黎已經冧左，可以當做冇咁熱氣啦。仲有雜菜煲，中規中矩啦。最後係籠仔蟹蒸糯米飯，呢個超抵，$88勁大籠，蟹預期中咁細啦，但糯米幾香幾軟。總括黎講，係高於期望ge中菜。