B’hood

營業中

休息中

餐廳嘅地點唔係一啲顯而易見嘅地方，但正正係咁樣，感覺清靜，有酒吧feel，都幾relax。職員好用心介紹佢哋每一款自調嘅cocktails，其中聽到呢杯三時間女神，如何透過一杯嘢飲去表達過去、現在及未來，覺得好有意思。但就正如職員所講，係女人都鍾意收花，所以就揀咗以下呢一杯；其實主要係佢描述嘅味道，比較適合自己，甜甜酸酸，又有汽。通常飲酒嘅地方，食物質素都冇乜期望，但呢間令我十分之有驚喜。佢嘅蟹肉黑松露長通粉，味道好濃郁，通粉夠煙韌，好味！串燒更加係性價比好高！白鱔好肥美，皮脆肉嫩；牛舌即使厚切，都好軟熟好Juicy，一啲都唔乾，配埋佢哋自製嘅七味粉，有柚子味同煙熏味，兩種都幫助串燒增加口感嘅層次。最後叫埋個芒果黑糯米飯，大滿足的一晚。環境令人坐得舒適，絕對會再encore。