摩司

營業中

休息中

原本諗住去鯉景灣食晚飯，因為冇位泊，於是轉軚去筲箕灣。行入東大街見到天后廟對面有間小店叫Merci Minnie “摩司”，行近啲睇，原來成間店一個客都冇，我心沉一沉，但我朋友見到個餐牌有牛脷意粉，咁啱佢又想食，加上佢個staff （又可能係老闆娘) 好殷勤咁走出嚟介紹有咩嘢食。於是即管試吓。我哋叫咗個紅洒燴牛牛肋肉飯，加多三個小食：鹽燒三文魚腩，鹽燒牛脷，燒五花腩肉。個牛肋肉炆得好琳，好好味，而且餸多過飯, 夠晒兩個人食。個三文魚腩好新鮮，又香又滑，完全唔會腥👍 牛脷厚切，外脆內軟 有90分，五花肉燒得香但畧乾。總結：我會比85分，下次會再嚟。到我走嗰陣，已經有多三台客。