Babacio (已結業)

經過長長嘅中環扶手電梯，去到大館行幾步就可以搵到賣新鮮出爐拿波里薄餅嘅Babacia。餐廳有室內室外兩部分，室外可以望到中環嘅景觀，但今日比較曬所以都係坐番室內。言歸正傳，我哋叫咗兩個Set Lunch，分別係188蚊同148蚊，分別就係貴d嗰份有沙律。另外都有Pizza主菜同甜品或餐茶。Tuna Pizza上面有熟呑拿魚、mozzarella cheese同蕃茄。Piccante Pizza上面有辣肉腸、mozzarella cheese同蕃茄。兩款薄餅都好多汁，麵團好柔軟。熱度啱啱好！但始終係正宗薄餅，特別嘅選擇例如夏威夷pizza同北京填鴨味就真係欠奉喇整體環境同食物都好唔錯，好適合喺度chill住食個lunch，當係去咗轉義大利。