Lo Spazio (已結業)

今日工作好壓抑，必須食餐好好嘅，放鬆吓。嚟到銅鑼灣呢一間樓上嘅意大利餐廳。坐低就嗌左個Melon Smoothie，我個妹就要咗杯Bitbxtch。飲杯嘢冷靜下。首先頭盤就嚟個炸意大利雲吞，炸得啱啱好，又唔太油膩，好有風味，好配合我嘅Smoothie。前菜仲有田園沙律，份量都唔少㗎，有橄欖油帶出香味。主菜就有蜆肉意大利麵，比我預計之中更多蜆肉，食極都仲有，意大利麵有少少辣，味道突出。再叫多一個西冷扒，厚切，Medium rare。牛筋同肥膏分布適中，入口即溶，大廚嘅手勢真係毋庸置疑。最後甜品係Brownie Sundae ，亦都係一個高質嘅甜品，Brownie嘅朱古力香濃，每一啖都有雪糕溶喺上面，係感官上嘅一大享受。我好鍾意呢間餐廳，係放工之後，好好慰勞自己嘅一個好地方。